Kökəlib, ehtiyatda oturacaq
"Real”ın baş məşqçisi Santyaqo Solari Marselonu ehtiyatda
oturdacaq.
Kaspi.az xəbər
verir ki, buna səbəb Marselonun artıq çəkisidir. Braziliyalı futbolçunun 7 kq
artıq çəkisi var.
İspaniya mətbuatının
iddiasına görə, Solari Marselodan ən qısa vaxtda artıq çəkidən qurtulmağı tələb
edib. Ancaq futbolçu bunda o qədər də maraqlı deyil.
Marselonun belə
məsuliyyətsizliyi Solarini qane etmir. Buna görə də, braziliyalı artıq çəkidən
qurtulana qədər, Solarinin onun ehtiyatda saxlayacağı gözlənilir.
Marselo cari
mövsümdə Primerada 11 oyun keçirib, 2 qol vurub.