AZE | RUS | ENG |


Kiçik ailə təsərrüfatları üçün orta ölçülü traktorların istehsalı planlaşdırılır

Kiçik ailə təsərrüfatları üçün orta ölçülü traktorların istehsalı planlaşdırılır
"Ərzaq məhsullarının tədarükü və təchizatı” Açıq Səhmdar Cəmiyyəti Çin Xalq Respublikasının dövlət koorporasiyası olan "YTO GROUP”la birgə Azərbaycanda kiçik ailə təsərrüfatları üçün orta ölçülü traktorların istehsalını planlaşdırır. 

Bu gün Səhmdar Cəmiyyətin mərkəzi ofisində koorporasiyanın nümayəndələri ilə bu haqda geniş müzakirə aparılıb və əməkdaşlıq memorandumu imzalanıb. Memorandumu Səhmdar Cəmiyyətin İdarə Heyətinin sədri Əbülfət Qocayev və "YTO GROUP”un Azərbaycandakı nümayəndəsi Fərhad Məmmədov imzalayıb. 
"YTO GROUP”un vitse-prezidenti Shan Chunyu əməkdaşlıqdan məmnunluğunu bildirib və həyata keçiriləcək işlər haqda danışıb. 

Memoranduma əsasən, Qusar rayonunda yerləşən istehsal müəssisəsində ildə 800 ədəd orta ölçülü (18-40 at gücündə) YTO traktorlarının yığılması həyata keçiriləcək. Səhmdar Cəmiyyətin Çin tərəfi ilə apardığı danışıqlar nəticəsində traktorların ehtiyat hissələrinin ixracı üçün kreditin ayrılaması qərara alınıb. İstehsalın ikinci ilindən etibarən traktorların mühərrikləri və ötürücü qurğuları istisna olmaqla digər ehtiyat hissələri Azərbaycanda fəaliyyət göstərən müxtəlif müəssisələrdən alınacaqdır ki, bu da əlavə müxtəlif sənaye sahələrinin inkişafına müsbət təsir göstərəcək. 

Birgə istehsal olunacaq YTO traktorları "Aqrolizinq” ASC vasitəsi ilə yerli fermerlərimizə sərfəli şərtlər əsasında satılacaq. Fermer texnikanın dəyərinin 20%-i əvvəlcədən ödədikdən sonra yerdə qalan məbləğ 10 il (120 ay) müddətində bərabər ödənişlə bölünəcək, bu zaman fermerlər cüzi məbləğdə ödəniş etməklə traktor əldə edə biləcəklər. 

YTO traktorlarının texniki  göstəricilərinin asanlığı, rahat idarə olunması fermerlərə əlavə peşə hazırlığı keçmədən texnikadan istifadə imkanı verəcəkdir. Alternativ markalarla müqayisədə bu traktorlar qiymətinin ucuzluğu, yüksək təzyiqli yanacaq nasosunun mövcudluğu, gücü, ehtiyat hissələrinin keyfiyyəti və uyğun qiyməti, az yanacaq sərfiyyatı ilə seçilir. YTO traktorları bağçılıq, tərəvəzçilik, tütünçülük, yemçilik, istixana sahələrində geniş istifadə olunur. Aparılmış araşdırmalara əsasən, hazırda ölkəmizin fermer təsərrüfatlarında kiçik ölçülü traktorlara böyük ehtiyac var. Xüsusən, kiçik ailə təsərrüfatlarında əl əməyinin azaldılması, istehsal prosesinin intensivliyinin təmin olunması, itkilərin azaldılması baxımından bu texnikalar mühüm rol oynayacaq. Traktorlar kiçik əkin sahələrində rahat işləmək imkanı yaratmaqla cərgələrarası texniki işlərin aparılması, kultivasiya tədbirləri, məhsulların sahədən toplanması və digər vacib işləri qısa vaxtda həyata keçirir. Azərbaycanda YTO traktorlarının istehsalının yaradılması kənd təsərrüfatı  maşın-texnika parkının sürətlə yenilənməsinə öz tövhəsini verəcəkdir. 

İmzalanmış memoronduma əsasən, "Ərzaq məhsullarının tədarükü və təchizatı” ASC fermerlərə texnikalardan istifadə vərdişlərinin aşılanması üçün tədris mərkəzlərinin açılması, satışın təşkili, texniki təminat və digər məsələlərdə fəal dəstək verəcək. 

Məlumat üçün bildirək ki, Çinin "YTO GROUP” koorporasiyası dövlətə məxsusdur, illik istehsal gücü 120 min ədəd traktor, 230 min ədəd mühərrik təşkil edir. Korporasiya 18 at gücündən 380 at gücünə qədər olan zəncirli və təkərli traktorların bütün seriyalarını, mühərriklərini, kombaynları, kənd təsərrüfatı alətlərini istehsal edir. Dünyanın yüzdən çox ölkəsi ilə əməkdaşlıq edən şirkət bu ölkələrdə öz xidmət şəbəkələrini yaratmış, son üç ildə 20 min ədəd traktor ixracına nail olmuşdur. 2015-ci ildə ixracın həcmi 100 milyon ABŞ dolları həcmində olmuşdur. 


Paylaş:

Facebook-da

Reklam

Xəbər lenti

Valyuta məzənnəsi

Tipi Ədə. Adı AZN
IRR 100 İran rialı 0.0042
GEL 1 Gürcü larisi 0.6654
GBP 1 İngilis funt sterlinqi 2.2846
TRY 1 Türk lirəsi 0.4379
KWD 1 Küveyt dinarı 5.6285
SEK 1 İsveç kronu 0.2014
EUR 1 Avro 2.0032
CHF 1 İsveçrə frankı 1.7194
USD 1 ABŞ dolları 1.7001