“Kəpəz” - “İnter” matçında qapılara qol vurulmayıb

Futbol üzrə Azərbaycan Premyer Liqasında IX tur çərçivəsindəgünün yeganə qarşılaşması Gəncədə baş tutub. "Kəpəz” klubu "İnter"i qonaq edib. Soyuq və çiskinli hava şəraiti üzündən ot örtüyü qənaətbəxş vəziyyətdə olmayıb. Bütün bu amillərə baxmayaraq, matç gərgin və qol epizodları ilə bol olub. Tərəflərin səylərinə baxmayaraq qapılar toxunulmaz qalıb.
Beləliklə, 0:0 hesablı heç-heçə Gəncə və paytaxt komandalarının hərəsinə bir xal qazandırıb. "Kəpəz” 11 xalla dördüncü, "İnter” isə 17 xalla ikinci pillədə qalıb. Tur oktyabrın 24-də AZAL – "Zirə” oyunu ilə davam edəcək.