Bakı 19°C
Köçəryanın həbsi reallaşır
Gözlənildiyi kimi, Nikol Paşinyan özündən əvvəl hakimiyyətdə təmsil
olunanlara qarşı total mübarizəni davam etdirir. Baş nazir seçiləndə qisasçılıq
siyasəti yürütməyəcəyi barədə verdiyi vədə xilaf çıxan Paşinyan, ilk hədəf kimi
sabiq prezidentlər Robert Köçəryanı və Serj Sarkisyanı seçib. Məsələ ondadır
ki, baş nazir on il bundan əvvəl yaşanan qanlı mart hadisələrinin araşdırılması
ilə bağlı təhqiqatın aparılması barədə tapşırıq verib. Erməni xəbər saytları
yazır ki, bir neçə dəfə istintaqın çağırışlarını rədd edən Ermənistanın ikinci
prezidentiRobert Köçəryan üçün bu dəfə son müddət iyulun 26-ı təyin
edilib. Həmin gün o, mütləq Xüsusi İstintaq Xidmətində ifadə verməli olacaq. Bu
haqda xidmətin rəhbəriSasun Xaçatryan məlumat verib. Köçəryan 2008-ci
ilin 1 mart hadisələri üzrə şahid kimi ifadə verməyə çağırılıb. İş üzrə Yerevan
qarnizonunun o vaxtkı rəhbəriYuri Xaçaturovda şahid kimi
dindiriləcək. Təqsirləndirilən isə keçmiş müdafiə naziriMikael Arutunyandır.
Köçəryanın idarəsi daha öncə eks-prezidentin iyulun 25-də Ermənistana
qayıdacağını, hüquq-mühafizə orqanlarının suallarını cavablandırmaqda problem
görmədiyini açıqlamışdı. "Köçəryana çağırış göndərilib və onun iyulun 26-da
istintaqa gələcəyi gözlənir”,– Xaçatryan deyib.
"Dindirilmənin
videoçəkilişi aparılacaqmı” sualına cavabında o deyib ki, bu məsələ hələlik
müzakirə olunmayıb. "Dindirilməyə kimin çağırılması ilə bağlı heç bir
məhdudiyyət yoxdur. Şahid kimi vacib informasiyası ola biləcək istənilən şəxs
dindirilə bilər”,– Sasun Xaçatryan deyib. "Petrosyan və Paşinyan
istintaqa çağırılıbmı? "Azatutyun”un bu sualına qurum rəhbəri indi cavab vermək
istəmədiyini açıqlayıb. Qeyd edək ki, 2008-ci il martın 1-dəSerj Sarkisyanın
qalib gəldiyi prezident seçkisindən sonra kütləvi etirazlar olmuş, hüquq
mühafizə orqanları ilə etirazçılar toqquşmuşdu. Martın 1-də səhər, polislər
Yerevandakı Azadlıq meydanında gecələyən müxalifətçilərə hücum etmişdi.
Müxalifətçilər seçkinin rəsmi nəticələrinə etiraz edirdilər. Həmin gün baş
vermiş toqquşmalarda 10 nəfər həlak olub, yüzlərlə adam yaralanıb. Qanlı
hadisələrdən 10 il keçir, ancaq ölüm səbəbləri də hələ də aydın deyil. Bu ilin
aprel-mayında Ermənistanda hakimiyyət dəyişikliyindən sonra Sasun Xaçatryan
istintaq xidmətinin rəhbəri təyin olunub. O deyib ki, "1 mart” işinin
açılmasından ötrü xidmətin siyasi iradəsi var. Xidmət iyulun 3-də bildirib ki,
keçmiş müdafiə naziri Mikael Arutyunyan "1 mart” işi üzrə təqsirləndirilən
qismində cəlb olunub, ona ittiham irəli sürülüb, axtarış elan edilib. Məhkəmə
Arutyunyan barəsində iki aylıq qiyabi həbs qərarı çıxarıb. 2008-ci ilin 1-2
mart hadisələri zamanı müxalifətin nümayəndəsi olmuş Nikol Paşinyan indi baş
nazirdir və Köçəryan bu iş üzrə ilk dəfədir ki, dindirilməyə dəvət olunur.
Hadisələrdən on il keçsə də, 1 mart olayının təfərrüatları müəmmalı olaraq
qalır. Sasun Xaçatryan bu günlərdə deyib ki, onun təşkilatı 1 mart hadisələrini
çözmək üçün siyasi iradəyə malikdir.
Məsələ ondadır ki, 1 mart hadisələri kriminal oliqarxiyanın bütün
seqmentlərini özündə birləşdirən bir faktordur. Ermənistanda "məxməri inqilab”
bu sahədə vəziyyəti dəyişməyə çalışsa da, bu, elə də asan olmayacaq. Məsələ həm
də ondadır ki, Köçəryan və Sarkisyan Rusiyaya bağlı fiqurlardır. Onların
cinayət məsuliyyətinə cəlb edilməsi isə ilk növbədə Moskvaya xoş gəlməyəcək.
Digər tərəfdən, bu işin araşdırılması çox ciddi siyasi əhəmiyyət kəsb edir. Bu
hal kriminal-oliqarxik sistemin ləğvi üçün əhəmiyyətlidir. 1 mart hadisələrinin
üstünün açılması indiki hakimiyyətə prosesə bu və dolayısı yolla cəlb edilən
şəxslərdən qurtulmağa kömək edə bilər. Köçəryanın dindirilməsi isə hadisələrin
üstünün açılmasında əhəmiyyətli açar rolunu oynaya bilər. Bu, törədilən
cinayətin daxili və xarici təbəqələrinə də işıq salmış olacaq. Eyni zamanda,
kriminal oliqarx piramidasının fərdi məsuliyyətinin ölçüsünü müəyyən edə bilər.
"Məxməri inqilab” Köçəryanı manevr və həyasızlıq etmək imkanlarından məhrum
edib. Köçəryanın dindirilməsi bu mənada, simvolik akt olacaq və kriminal
oliqarxiyanın hesab verməsi üçün siqnal rolunu oynayacaq.
Azər NURİYEV
