Karyerasını bitirəcək, “Barsa”nı çalışdıracaq
"Barselona”nın sabiq futbolçusu, hazırda Qətərin "Əl-Sədd” klubunda
çıxış edən Xavi gələcək planları barədə danışıb.
Kaspi.az xəbər verir ki, Xavi məşqçi kimi fəaliyyət göstərmək
istəyir. O, "Barselona”nın baş məşqçisi olmağı da arzuladığını bildirib:
"Qətərdə daha bir mövsüm keçirməyi planlaşdırıram. Ondan sonra
karyeramı bitirəcəyəm. Daha sonra isə məşqçi olmaq istəyirəm. Gizlətmək
niyyətində deyiləm, nə vaxtsa "Barselona”nı da çalışdırmağı arzulayıram.
Ancaq əvvəlcə təhsil almalıyam. Bu prosesə isə 1-2 ay yox, 3-4 il
vaxt lazımdı. "Barselona”nın baş məşqçisi tam hazırlıqlı olmalıdır”.