İttihamlara cavab verdi: Hər şeyi siz başladınız
"Mançester
Siti”nin direktorlar şurasının sədri Haldon əl-Mübarək La Liqanın prezidenti
Xavyer Tebasın ittihamlarına cavab verib.
Kaspi.az xəbər
verir ki, Tebas "Mançester Siti”ni futbolçuların transferi üçün ağlasığmaz məbləğdə
pul ödəməklə, bazarda qiymətləri qaldırmaqda ittiham etmişdi. Əl-Mübarək isə
transfer bazarında qiymətlərin məhz İspaniya klublarının sayəsində qalxmağa
başladığını bildirib:
"Onlar deyirlər
ki, bazarda qiymətləri biz qaldırırıq?
Bu sözlərdə riyakarlıq kifayət qədər yüksəkdir. Gəlin transfer bazarında qiymətlərin
qalxması dövrünə nəzər salaq. Bütün bunları İspaniya klubları başlamışdı.
Fiqu, Zinəddin
Zidan. Bu transferlər böyük nağıllar idi. Onları kim başlamışdı? İki klubun
dominantlıq etdiyi La Liqanın tarixinə nəzər salın.
Transfer rekordu
sayılan top-10-da "Siti”nin bircə futbolçusu da yoxdur. Ona görə də, belə ittihamları ciddi qəbul
etmirəm. Bizim liqa dünyada ən yaxşıdır. Bu, xüsusi liqadır”.