İtalyan azarkeşi öldürən portuqal təslim oldu
Lissabon derbisində - "Benfika” - "Sportinq” oyununda italyan azarkeş
öldürülmüşdü.
41 yaşlı Marko Fiçini "Fiorentina” azarkeşi idi. "Fiorentina” ilə
"Sportinq” arasında dostluq münasibətləri olduğu üçün bir qrup italyan fanat
derbidə "Sportinq”ə azarkeşlik etmək üçün Lissabona gəlmişdi.
"Benfika” azarkeşlərindən biri avtomobili Markonun üstünə sürmüş və
fanat həlak olmuşdu. Kaspi.az xəbər verir ki, Markonu öldürən azarkeş polisə
təslim olub. O, öz vəkili ilə birgə polis bölməsinə gələrək, günahını etiraf
edib.