Bakı 21°C
İtaliyada federasiya prezidentini seçə bilmirlər
Yanvarın 29-da İtaliya Futbol Federasiyasında prezident seçkiləri
keçirilib.
Kaspi.az xəbər verir ki, prezident postuna 3 namizəd olub. Amma
namizədlərin heç biri qalib gələ bilməyib. Seçkidə İtaliya Futbolçular
Assosiasiyasının prezidenti Damiana Tomazzi, İtaliyanın 3-cü liqasının başçısı
Qabriel Qravin və həvəskarlar liqasının prezidenti Kazimo Sibilya mübarizə
aparıblar.
Tomazzi səsvermənin 3-cü turundan sonra mübarizədən çəkilib. Digər
iki namizəd 4-cü turda da lazım olan səsi toplaya bilməyib.
Məlumata görə, İtaliya Olimpiya Komitəsi prezident postuna əlahiddə
komissar təyin edəcək. Qeyd edək ki, İtaliya yığması DÇ-2018-in final
mərhələsinə vəsiqə qazana bilmədikdən sonra Karlo Tavekkio federasiya
prezidenti postundan istefa vermişdi.
