İtaliya futbolunun əfsanəsi xərçəngə qalib gəldi
"Yuventus”un və
İtaliya yığmasının sabiq futbolçusu Canluka Vialli xərçəng xəstəliyindən əziyyət
çəkirmiş.
Kaspi.az xəbər
verir ki, Viallı bunu hər kəsdən gizlin saxlayıb. O, xəstəliyə qalib gəldikdən
sonra bu barədə ictimaiyyətə məlumat verib:
"İndi hər şey
qaydasındadır, hər şey yaxşıdır. Bir il keçib və mən yaxşı forma yığmışam.
Düzdür, hələ də bu oyunun necə başa çatacağı ilə bağlı məndə qəti əminlik
yoxdur.
Bir müddət əvvəl
köynəyin altından sviter geyinirdim ki, heç kim heç nə hiss etməsin. Hesab edirəm
ki, mənim yaşadıqlarım bu xəstəliklə mübarizə aparan insanlara yeni ruh verəcək.
Biz fikirlərimizin
məhsulu sayılırıq. Əsas qələbə deyil, qalib gəlmək haqda düşünməyi bacarmaqdır.
Həyatımızın yalnız 10 faizi bizə məxsusdur, qalan 90 faiz üçün mübarizə aparmaq
lazımdır”.
Vialli ikiqat İtaliya
çempionudur. O, 1995/96 mövsümündə Çempionlar Liqasının da qalibi olub.