Bakı 21°C
İtaliya futbolunu fövqəladə komissar idarə edəcək
İtaliya futbolunu idarə edəcək şəxs bəlli olub.
Kaspi.az xəbər verir ki, İtaliya Milli Olimpiya Komitəsinin baş
katibi Roberto Fabrriçini İtaliya Futbol Federasiyasına fövqəladə komissar
təyin edilib.
2006-cı ildən bəri ilk dəfə olaraq, İtaliya futboluna fövqəladə
komissar rəhbərlik edəcək. Həmin vaxt İtaliya futbolunda yaşanan korrupsiya
qalmaqalından sonra bu üsuldan istifadə edilmişdi.
Yanvarın 29-da İtaliya Futbol Federasiyasında prezident seçkiləri
keçirilib. Prezident postuna üç namizəd olub. Amma namizədlərin heç biri qalib
gələ bilməyib. Seçkidə İtaliya Futbolçular Assosiasiyasının prezidenti Damiana
Tomazzi, İtaliyanın 3-cü liqasının başçısı Qabriel Qravin və həvəskarlar
liqasının prezidenti Kazimo Sibilya mübarizə aparıblar.
Tomazzi səsvermənin 3-cü turundan sonra mübarizədən çəkilib. Digər
iki namizəd 4-cü turda da lazım olan səsi toplaya bilməyib.
Qaydalara görə, bundan sonra İtaliya Olimpiya Komitəsi prezident
postuna fövqəladə komissar təyin etməlidir.
