İsraildən təklif - Fələstinlə yoldaşlıq görüşü keçirilsin
İsrail Futbol Federasiyasının prezidenti Ofer Eyni maraqlı təklif
irəli sürüb.
Kaspi.az xəbər verir ki, Eyni İsraillə Fələstin arasında yoldaşlıq
görüşünün keçirilməsi təşəbbüsü ilə çıxış edib. O, bu təşəbbüsü FİFA-nın
Bəhreyndə keçirilən konqresində səsləndirib:
"Təklif edirəm ki, İsraillə Fələstin arasında yoldaşlıq görüşü
keçirilsin. Əldə olunan vəsait israilli və fələstinli uşaqlar üçün futbol
məktəblərin tikilməsinə sərf edilsin. Ancaq biz siyasi məsələləri FİFA
vasitəsilə həll etməməliyik. Bu qurumun belə səlahiyyəti yoxdur”.
Buna cavab olaraq Fələstin Futbol Federasiyasının prezidenti Rəcəb
bildirib ki, İsrail işğal etdiyi Fələstin torpaqlarından çıxmalıdır. Fələstin
və İsrail arasındakı məsələ 5-ci dəfədir ki, FİFA-nın konqresində müzakirəyə
çıxarılır. Konqres 2017-ci ilin oktyabrına qədərə bu məsələ ilə bağlı qərar
verilməsini təxirə salıb.