İşçi qrup “Əmək pensiyası haqqında” qanuna dəyişiklikləri müsbət qiymətləndirib

Azərbaycanda pensiya islahatlarını nəzərdə tutan "Əmək pensiyası haqqında” qanuna əlavə və dəyişikliklər layihəsi ilə əlaqədar Milli Məclisin Əmək və sosial siyasət komitəsində işçi qrupun iclası keçirilib.

APA-nın məlumatına görə, işçi qrupunun iclasında mütəxəssislər qanun layihəsi ilə əlaqədar bir sıra müddəalara aydınlıq gətiriblər. 90-a qədər əlavə və dəyişikliyin nəzərdə tutulduğu layihə ümumilikdə müsbət qiymətləndirilib.

Növbəti mərhələdə layihə Əmək və sosial siyasət komitəsində müzakirə olunacaq.