İRSİCA: Ksenofobiya dinlər arasında dialoqun inkişafına ciddi təhdiddir

İRSİCA: Ksenofobiya dinlər arasında dialoqun inkişafına ciddi təhdiddir

Cəmiyyət
11 İyul 2019, 13:45 145
Qloballaşma dövründə ksenofobiya mədəniyyətlər və dinlər arasında dialoqun inkişafına ciddi təhdiddir.
Trend-in məlumatına görə, bunu İslam Tarixi, İncəsənəti və Mədəniyyəti Araşdırma Mərkəzinin (İRSİCA) Baş direktoru Halit Eren "İslam sivilizasiyası Qafqazda" II Beynəlxalq Simpoziumunda deyib.
Onun sözlərinə görə, təhdidə meyl dünyada sülhün və sabitliyin pozulmasında maraqlı olan radikal, terrorçu qüvvələr tərəfindən dəstəklənir. Bu təhdidin qarşısını almaq üçün tolerantlıq, dialoq, əməkdaşlıq və həmrəyliyin gücləndirilməsi böyük əhəmiyyət daşıyır: "Bu baxımdan Azərbaycanın rolu xüsusi vurğulanmalıdır. Azərbaycan İslam dünyasının bir parçası olduğundan onun mədəniyyətində ərəb, İslam ünsürləri daha gözəçarpandır. İslam sivilizasiyasının Qafqazda yayılması, ilk növbədə Azərbaycanla bağlı olduğundan belə bir tədbirin Bakıda reallaşması məqsədəuyğundur".