AZE | RUS | ENG |

“İrəli”nin “SAY-Cümhuriyyət” layihəsi davam edir

“İrəli”nin “SAY-Cümhuriyyət” layihəsi davam edir
Gənclər və İdman Nazirliyinin dəstəyi(GİN), "İrəli" İctimai Birliyinin təşkilatçılığı ilə  həyata keçirilən SAY hərəkatının 7-ci fəaliyyəti olan"Azərbaycan Gənclərinə Dəstək- Könüllülər Düşərgəsi (SAY:Cümhuriyyət)" layihəsi davam edir.

SAY hərəkatının yeddinci fəaliyyəti çərçivəsində təşkil olunan layihə Azərbaycan Xalq Cümhuriyyətinin 100 illiyinə həsr olunub.
 
Layihənin məqsədi Azərbaycanda könüllülük ideyalarının aşılanması, vətəndaş cəmiyyətinin düzgün istiqamətə yönləndirilməsi, gənclərdə humanizm, tolerantlıq prinsiplərinin formalaşdırılması, sağlam həyat tərzinin təbliği ilə gəncliyin inkişafına təkan vermək, Azərbaycan mədəniyyəti və Azərbaycan həqiqətlərinin dünya miqyasında tanınmasında onların fəal iştirakını təmin etmək, ümumillikdə gənclər şəbəkəsinin inkişafına nail olmaqdır.

"SAY:Cümhuriyyət" layihəsinin 2-ci günündə Komanda quruculuğu təlimi baş tutub. Təlimçi - ekspert Rəna Tahirova hər biri 10 nəfər olmaqla 8 komandaya vahid komanda olmağı öyrədib. Daha sonra gün ərzində komandalar arasında voleybol, ipdartma, maneəli qaçış kimi idman oyunları keçirilib.

Layihənin 3-cü günü "Cümhuriyyət Tarixi" günü olub. Yazıçı, əməkdar incəsənət xadimi Orxan Fikrətoğlu layihə iştirakçıları ilə cümhuriyyət tarixi barədə diskussiya aparıb. Daha sonra layihənin 3-cü günü təlim sessiyaları və intellektual yarışlarla davam edib. Layihə iştirakçıları praktiki sessiyaya hazırlaşıb.

Birliyin mətbuat xidmətindən bildirilib ki,"SAY:Cümhuriyyət" layihəsi Azərbaycan Respublikası Prezidenti Cənab İlham Əliyevin 2018-ci ilin Azərbaycan Respublikasında "Azərbaycan Xalq Cümhuriyyəti İli" elan edilməsi haqqında Sərancamına əsasən, eyni zamandaPrezident İlham Əliyevin imzaladığı Sərəncamla təsdiq olunan"Azərbaycan Gəncliyi 2017-2021-ci illərdə" Dövlət Proqramının həyata keçirilməsi üzrə Tədbirlər Planının" 5.7.5. maddəsində  Gənclər arasında könüllülük fəaliyyətinin daha geniş təşviq edilməsi" bəndinə uyğun olaraq həyata keçirilir.
 


Paylaş:

Facebook-da

Reklam

Xəbər lenti

Valyuta məzənnəsi

Tipi Ədə. Adı AZN
IRR 100 İran rialı 0.0040
GEL 1 Gürcü larisi 0.6489
GBP 1 İngilis funt sterlinqi 2.2562
TRY 1 Türk lirəsi 0.2727
KWD 1 Küveyt dinarı 5.6171
SEK 1 İsveç kronu 0.1937
EUR 1 Avro 2.0024
CHF 1 İsveçrə frankı 1.7728
USD 1 ABŞ dolları 1.7000