İran Yunanıstandan şikayət edəcək
İran Futbol
Federasiyası Yunanıstanla münasibətləri kəsib.
Kaspi.az xəbər
verir ki, İranı narazı salan məqam iyunun 2-də Yunanıstanla planlaşdırılan
yoxlama görüşünün təxirə salınması olub. Bu oyun Türkiyədə keçirilməli idi.
Ancaq Yunanıstan
Futbol Federasiyası bu qarşılaşmadan imtina edib. İran tərəfi yunanlardan FİFA-ya
da şikayət etməyi düşünür.
İran
Yunanıstanın kompensasiya ödəməsini tələb edəcək. Federasiyanın açıqlamasında
bildirilir ki, yunanların imtinası İranın DÇ-2018-ə hazırlıq planına ciddi təsir
edib.
Belə olacağı təqdirdə,
İran mundiala qədər yalnız bir yoxlama görüşü keçirəcək. Cənub qonşumuz iyunun
8-də Moskvada Litva ilə qarşılaşacaq.