İran televiziyası “Roma”nın emblemini dəyişdi
İranın dövlət
televiziyasının Çempionlar Liqasının 1/4 finalında keçirilən "Barselona” -
"Roma” oyunu ilə bağlı reportajı ajiotaja səbəb olub.
Kaspi.az xəbər verir
ki, dövlət televiziyası "Roma”nın emblemini dəyişdirib. Belə ki, ekrana gətirilən
emblemdə Rem və Romula süd verən canavarın döşləri silinib.
Roma şəhərinin əsasını
qoyduğu deyilən Rem və Romul ana südü içməyiblər. Onları canavar bəsləyib. İndi
isə İran televiziyası Rem və Romulu canavar südündən də məhrum edib.
"Roma”nın
"tvitter” səhifəsi məsələyə zarafatyana münasibət bildirib: "Əgər sən məni əvvəlki
kimi sevə bilmirsənsə, onda indiki kimi sevməyə məcbursan”.