• cümə axşamı, 28 mart, 16:55
  • Baku Bakı 16°C

İran səfirliyinin mədəniyyət attaşesi həlak oldu - Terror - Yenilənib

19.11.13 12:33 1036
İran səfirliyinin mədəniyyət attaşesi həlak oldu - Terror - Yenilənib
APA-nın İSNA-ya istinadən məlumatına görə, buna səbəb partlayışın İran səfirliyinin on metrliyində baş verməsidir.
İlkin məlumatlara görə, hadisə nəticəsində ən azı 23 nəfərin öldüyü, 150 nəfərin də yaralandığı bildirilir. Onların arasında İranın Livandakı səfirliyinin mədəniyyət attaşesi də var.
Hadisə Livanın paytaxtı Beyrut şəhərinin cənubundakı Zahiyə rayonun əl-Cinah adlanan ərazisində baş verib. Partlayış nəticəsində 12 avtomobil yanıb və İran səfirliyinin ətrafındakı 6 binaya da ciddi ziyan dəyib. Xəbərdə həmçinin vurğulanır ki, iki dəqiqə ərzində iki partlayış baş verib. İlkin partlayışı intiharçı kamikadzenin törətdiyi ehtimal olunur. Çünki ikinci partlayış minalanmış “Renault” markalı avtomobillə törədilib. Bəzi xəbər saytları hücumda İranın Livandakı səfiri Qəzənfər Röknabadinin və digər iranlı diplomatların hədəf alındığını yazıblar. Hadisədən sonra Livanın baş naziri Nəcib Mikati İran səfiri ilə telefon əlaqəsi saxlayaraq, bunun bir terror aktı olduğunu söyləyib və təhlükəsizlik qüvvələrindən dərhal tədqiqata başlamağı xahiş edib.
*******
13:58
Livanın paytaxtı Beyrutda törədilmiş partlayış nəticəsində ən azı 20 nəfərin öldüyü açıqlanıb.
APA-nın “Anadolu” Agentliyinə istinadən verdiyi məlumata görə, Beyrutun Dahiyə rayonunda, İran səfirliyi yaxınlığında bomba yüklü avtomobil partladılıb.
Hadisə yerinə xeyli sayda təcili tibbi yardım cəlb olunub.
Partlayış barədə hələlik rəsmi açıqlama verilməyib.
banner

Oxşar Xəbərlər