“İnter” Xorvatiya yığması formalaşdırır, Modriçlə danışırlar
"İnter” heyətin
özəyini Xorvatiya yığmasının üzvlərindən təşkil etmək istəyir.
Kaspi.az xəbər
verir ki, Milan nəhəngi "Real”ın futbolçusu Luka Modriçlə maraqlanır. Klub rəhbərlərinin
Modriçin nümayəndələri ilə görüşdüyü də iddia olunur.
Məlumata görə,
Modriç "İnter” variantına isti münasibət bəsləyir və danışıqlara açıq olduğunu
bildirib. Onu da qeyd edək ki, "İnter”də Xorvatiya yığmasının 3 üzvü çıxış
edir.
İvan Perişiçlə
Martselo Brozoviçə bu yaxınlarda Şime Vrsalko da qoşulub. "İnter” Luka Modriçi
də transfer etməklə komandanın özəyini məhz xorvatlardan formalaşdırmağı
planlaşdırır.
Modriç
DÇ-2018-in ən yaxşı futbolçusu seçilib.