İnsan alveri ilə bağlı jurnalistlər üçün təlim keçirildi
Bu gün "Femida.az”
hüquq yüklü xəbər portalı, Azərbaycan Respublikası Daxili İşlər Nazirliyinin
İnsan Alverinə qarşı Mübarizə Baş İdarəsi və Milli Hüquq Evinin birgə seminarı keçirildi.
Tədbirdə İnsan Alverinə qarşı Mübarizə Baş İdarəsinin əməkdaşı,
Vətəndaşların Əmək Hüquqlarını Müdafiə Liqası İcraiyyə Komitəsinin sədri Sahib
Məmmədov, Azərbaycan Vəkillər Kollegiyasının üzvü, vəkil Ruslan Vəliyev və media
qurumlarının əməkdaşları iştirak etdilər.
Seminarda insan alveri anlayışı, insan alveri
qurbanları, onların sosial və hüquqi müdafiəsi, insan alverinə qarşı mübarizə tədbirləri,
məcburi əməyə cəlb etmənin insan alveri cinayəti ilə əlaqəsi və s. məlumat
verildi.
Hüquqşünas
Sahib Məmmədov qanunsuz miqrasiya, məcburi əmək və insan alveri qurbanları ilə
bağlı çıxış etdi və məcburi əməyə cəlb etmənin insan alveri cinayəti ilə əlaqəsindən
söz açdı.
Azərbaycan
Respublikası Daxili İşlər Nazirliyinin İnsan Alverinə qarşı Mübarizə Baş İdarəsinin
əməkdaşı isə çıxışında bildirdi ki, əvvəlki illərlə müqayisədə insan alveri ilə
bağlı faktların sayı artıb. 2017-ci
ildə Azərbaycanda insan alveri ilə bağlı 142 fakt qeydə alınıbsa, 2015-ci ildə
109, 2016-ci ildə isə 141 fakt müəyyən edilib.
Azərbaycan Vəkillər
Kollegiyasının üzvü Ruslan Vəliyev isə "İnsan Alveri qurbanlarının mediada
konfidensiallığının (anonimliyinin) qorunması” mövzusunda çıxış etdi.