Bakı 25°C
İngilislərə psixoloq nəzarət edəcək
İngiltərə yığmasının futbolçuları psixoloq nəzarəti altında
olacaqlar.
Kaspi.az xəbər verir ki, yığmanın baş məşqçisi Qaret Sautqeyt
federasiyaya müraciət edərək, komandaya psixoloqun lazım olacağını bildirib. O,
DÇ-in final mərhələsinə daha yaxşı hazırlaşmaq üçün psixoloqun xidmətindən
yararlanmaq istəyir.
İngiltərə yığmasına əvvəllər də psixoloqlar dəvət olunub. Ancaq onlar
yığmada daimi əsaslarla çalışmayıblar. İndi isə baş məşqçi psixoloqun daim
komanda ilə birgə olmasını istəyir.
İngiltərə 8 oyundan sonra 20 xal toplayaraq, F qrupunda liderlik
edir.
