• cümə axşamı, 28 mart, 22:34
  • Baku Bakı 13°C

İlk ixrac missiyası Çinə yola düşüb

08.11.16 15:02 937
İlk ixrac missiyası Çinə yola düşüb
İqtisadiyyat Nazirliyi (İN) tərəfindən 9-13 noyabr tarixlərində Çin Xalq Respublikasının Honq-Konq Xüsusi İnzibati Ərazisinə və Quancou şəhərinə ilk ixrac missiyası təşkil olunacaq. İN mətbuat xidmətindən "Kaspi"yə bildirilib ki, AZPROMO-nun və Azərbaycanda şərab istehsalı və ixracı ilə məşğul olan şirkətlərin nümayəndələrinin daxil olduğu ixrac missiyası Honq-Konq Xüsusi İnzibati Ərazisində keçirilən "Honq-Konq Şərab və Spirtli İçkilər Sərgisi”ndə və "Quancou Şərab Sərgisi”ndə iştirak edəcək.
Səfər zamanı iş adamları arasında ixrac imkanlarının genişləndirilməsi ilə bağlı müzakirələr aparılacaq. İxrac missiyası həmçinin, Çin Xalq Respublikasında yerli distributorlarla, potensial müştərilərlə görüşlər keçirəcək, şərab istehsalında tətbiq olunan yeni texnologiyalarla tanış olacaqlar. Səfər çərçivəsində iş adamları arasında əməkdaşlığa dair sənədlərin imzalanması gözlənilir.
Qeyd edək ki, İqtisadiyyat Nazirliyi tərəfindən Çin Xalq Respublikasının Honq-Konq Xüsusi İnzibati Ərazisinə və Quancou şəhərinə təşkil olunan ixrac missiyalarında iştirak edən şirkətlərin seçilməsi üçün müsabiqə keçirilib və Azərbaycanda şərab istehsalı və ixracı ilə məşğul olan 12 şirkət ixrac missiyasında iştirak etmək hüququ qazanıb.
banner

Oxşar Xəbərlər