AZE | RUS | ENG |

İctimai Televiziya və Radio Yayımları Şirkəti yeniliklərə start verir

İctimai Televiziya və Radio Yayımları Şirkəti yeniliklərə start verir
Qurumun İctimaiyyətlə Əlaqələr Departamentindən verilən məlumata görə telekanal sentyabrın 17-dən etibarən hər səhər "Sabahın xeyir, Azərbaycan” adlı üç saatlıq informativ, əyləncəli proqram ilə tamaşaçıların görüşündə olacaq. Həftənin beş günü, səhər saat 06:50-dən 10:00-dək canlı yayımlanacaq səhər efiri müxtəlif rubrika və məlumatlarla zəngin olacaq. Belə ki, verilişdə ictimai əhəmiyyət daşıyan aktual mövzular, sağlamlıq, hüquq, idman, mədəniyyət ilə bağlı maarifləndirici süjetlər üstünlük təşkil edəcək. Bundan əlavə Azərbaycanın bölgələrinə səyahət ediləcək, onların mədəni-sosial həyatına qısa baxış keçiriləcək. Səhər proqramında, İctimai Televiziyada başlayacaq yeni layihələrin təqdimatı, həmçinin gün ərzində yayımlanacaq proqramların anonsları da yer alacaq. 

"Sabahın xeyir, Azərbaycan”ın daha bir özəlliyi isə balaca tamaşaçılarını unutmamasıdır, belə ki, verilişdə həm də uşaqlarla bağlı mövzulara yer veriləcək. Dünya ulduzlarının həyatı ilə maraqlananlara verilişin komandası məşhurlar haqqında ən son məlumatları və dünya şou-biznes yeniliklərini çatdıracaq. Verilişdə həmçinin paytaxtdakı mədəniyyət yenilikləri  - konsert, kino və teatrlar haqqında süjetlər və afişalar barədə məlumat yayımlanacaq. Daha bir özəllik isə verilişin yayımı ərzində tamaşaçı ilə interaktiv sual-cavab, viktorinaların keçirilməsi olacaq.      

Aparıcılar Könül Arifqızı, Azər Süleymanlı,Aynur Fətullayeva, həmçinin sevilən DJ-lər İlahə Şıxlinskaya və Ağa Nadirovun təqdimatında yayımlanacaq "Sabahın xeyir, Azərbaycan”nın son saatında günün mövzusu ilə bağlı ekspert qonaq iştirak edəcək ki, bu da proqrama canlılıq qatacaq.  

 "Sabahın xeyir, Azərbaycan” göz oxşayan dekor və tam fərqli format ilə sentyabrın 17-i həftənin beş günü, saat 06:50-dən tamaşaçı görüşünə gələcək. 

Paylaş:

Facebook-da

Reklam

Xəbər lenti

Valyuta məzənnəsi

Tipi Ədə. Adı AZN
USD 1 1 ABŞ dolları 1.7000
EUR 1 1 Avro 1.9459
GEL 1 1 Gürcüstan larisi 0.6397
GBP 1 1 İngiltərə funt sterlinqi 2.1854
IRR 100 100 İran rialı 0.0040
SEK 1 1 İsveç kronu 0.1886
CHF 1 1 İsveçrə frankı 1.7119
KWD 1 1 Küveyt dinarı 5.5939
TRY 1 1 Türkiyə lirəsi 0.3191