AZE | RUS | ENG |

İctimai şura LDU-da imtahanların gedişini izlədi

İctimai şura LDU-da imtahanların gedişini izlədi
Lənkəran Dövlət Universitetində (LDU) 2018/2019-cu tədris ilinin payız semestrinin imtahan sessiyası bir neçə gündür ki,  davam edir. İmtahan sessiyasını canlı izləmək, tələbələr üçün yaradılan şəraitlə əyani tanış olmaq məqsədi ilə universitetdə fəaliyyət göstərən ictimai nəzarət qrupunun- İctimai şuranın üzvləri  də fəaliyyətlərinə start verib. İctimai şuranın sədri, Lənkəran Rayon Ağsaqqallar Şurasının sədr müavini Sərhad Məmmədov başda olmaqla, şura üzvləri universitetin hər iki tədris korpusuna baş çəkərək imtahanların gedişini canlı izləyiblər.
LDU-nun mətbuat xidmətindən verilən məlumata görə, cəmiyyətlə sıx təmas yaratmaq, universitetdə aparılan təhsil uğurları ilə ictimaiyyəti yaxından tanış etmək məqsədi ilə yaradılan İctimai şuranın üzvləri  məramlarına uyğun olaraq imtahan keçirilən auditoriyalara baş çəkiblər.  Tələbələrə  bilik sınağından üzüağ çıxmağı, sessiyanı uğurla başa vurmağı tövsiyə edən   şura üzvləri  imtahan prosesinin  gedişi ilə tanışlıq zamanı  tələbələrin rəylərini də dinləyiblər.
Şura üzvlərinə  imtahanların gedişini İmtahan Müşahidə Mərkəzindən vebkameralarla birbaşa izləmək imkanı yaradılıb,  mərkəzin fəaliyyəti ilə bağlı sualları cavablandırılıb,  Operativ Qərargahın işi barədə  ətraflı məlumat verilib.
LDU-nun təhsil həyatı,  tədrisin yenilənməsi istiqamətində son illərdə aparılan  əsaslı yenidənqurma işləri ilə yaxından tanışlıq da  şura üzvlərində xoş təəssürat yaradıb.
İmtahanların gedişi və universitetlə əyani tanışlıqdan sonra İctimai şuranın üzvləri Lənkəran Dövlət Universitetində gördüklərindən razı qaldıqlarını, imtahanların tam obyektiv və şəffaf şəraitdə keçirildiyini, tələbələr üçün lazımi şəraitin yaradıldığını  əminliklə bildiriblər,   prosesi əyani izləmək üçün yaradılan şəraitə görə universitet rəhbərliyinə minnətdarlıq ediblər.
Qeyd edək ki, İctimai şuranın üzvlərinə  imtahanların gedişini sessiya boyunca izləmək imkanı yaradılacaq.





Paylaş:

Facebook-da

Xəbər lenti

Valyuta məzənnəsi

Tipi Ədə. Adı AZN
USD 1 1 ABŞ dolları 1.7
EUR 1 1 Avro 1.9142
GEL 1 1 Gürcüstan larisi 0.5927
GBP 1 1 İngiltərə funt sterlinqi 2.1315
IRR 100 100 İran rialı 0.004
SEK 1 1 İsveç kronu 0.1824
CHF 1 1 İsveçrə frankı 1.7288
KWD 1 1 Küveyt dinarı 5.5896
TRY 1 1 Türkiyə lirəsi 0.3019