• cümə, 29 Mart, 15:06
  • Baku Bakı 14°C

“I Avropa Oyunlarının başlıca fərqli cəhəti qonaqpərvərlik, xeyirxahlıq və bayram ab-havası olacaq” - Birinci xanım

13.04.15 07:15 1101
“I Avropa Oyunlarının başlıca fərqli cəhəti qonaqpərvərlik, xeyirxahlıq və bayram ab-havası olacaq” - Birinci xanım
“Rossiya 1” telekanalının “Vesti nedeli” analitik proqramında Azərbaycanda keçiriləcək I Avropa Oyunlarına həsr edilən süjet nümayiş olunub.
APA-nın AZƏRTAC-a istinadən verdiyi məlumata görə, tanınmış jurnalist, “Rossiya seqodnya” Beynəlxalq İnformasiya Agentliyinin baş direktoru Dmitri Kisilyovun müəllifi olduğu verilişdə Heydər Əliyev Fondunun prezidenti, I Avropa Oyunlarının Təşkilat Komitəsinin sədri Mehriban Əliyeva ilə qısa müsahibə də verilib.
M. Əliyeva müsahibəsində qeyd edib ki, I Avropa Oyunlarının başlıca fərqli cəhəti xeyirxahlıq və qonaqpərvərlik ab-havası olacaq: “Ölkəmizin zəngin mədəni irsini nümayiş etdirmək istəyirik. Bildiyiniz kimi, Azərbaycan qədim diyardır və multikulturalizm, dözümlülük, tolerantlıq kimi anlayışlar bizim xalqımıza məxsus keyfiyyətlərdir. Ümid edirəm ki, ilk Oyunların başlıca fərqli cəhəti qonaqpərvərlik, xeyirxahlıq və bayram ab-havası olacaq. Əminəm ki, bunu bütün qonaqlar hiss edəcəklər. Oyunlara hazırlıq üçün bizə cəmi iki il yarım vaxt ayrılmışdı. Bu vaxtın çox dar məqam olduğuna baxmayaraq, biz idmançılar, rəsmi şəxslər, paytaxtımızın qonaqları üçün maksimum rahat şərait yaratmağa çalışmışıq ki, bu bayram əsl birlik, dostluq və idman bayramına çevrilsin”.

banner

Oxşar Xəbərlər