Hüseyn Bağırov xorvatiyalı həmkarı Slaven Dobroviçi qəbul edib
Ekologiya
və Təbii Sərvətlər Nazirliyində nazir Hüseyn Bağırovla Azərbaycanda səfərdə
olan Xorvatiya Respublikasının Ətraf Mühitin Mühafizəsi və Enerji naziri Slaven
Dobroviç arasında görüş keçirilib.
Görüş
zamanı bioloji müxtəlifliyin qorunması, tullantıların davamlı idarə olunması,
meşələrin mühafizəsi və su ehtiyatlarının idarə edilməsi istiqamətləri üzrə
fikir mübadiləsi aparılıb və iki ölkə arasında əməkdaşlıq məsələləri müzakirə
edilib.
Qeyd
edək ki, Xorvatiya
Respublikasının Ətraf Mühitin Mühafizəsi və Enerji naziri Slaven Dobroviç Cənub
Qaz Dəhlizi Məşvərət Şurasının 3-cü Nazirlər iclasında iştirak etmək məqsədilə
Azərbaycanda səfərdədir.
Xatırladaq ki, "Azərbaycan Respublikası Hökuməti və Xorvatiya
Respublikası Hökuməti arasında ətraf mühit və təbiətin mühafizəsi sahəsində
əməkdaşlığa dair Saziş” 11 mart 2013-cü il tarixində
Azərbaycan Respublikası Prezidentinin Xorvatiyaya rəsmi səfəri zamanı imzalanıb.