Bakı 16°C
Hikmət Babaoğlu: “Paşinyanı başa salmağın vaxtı çatıb”
"Ermənistanın baş naziri Nikol
Paşinyanın Madrid prinsiplərini başa düşmədiyini deməsi əslində onu başa düşmək
istəmədiyi kimi qiymətləndirilməlidir. Başa düşməyəni başa salmaq mümkündür. Ancaq
başa düşmək istəməyini başa salmaq çox çətin olur . Bunun bircə yolu var, o da
Azərbaycan xalqının məşhur bir ifadəsində öz əksini tapıb ki, başa düşməyəni
necə başa salırlar”.
Bu barədə "Kaspi” qəzetinə
açıqlamasında millət vəkili, politoloq Hikmət Babaoğlu bildirib. O qeyd edib
ki, Aprel döyüşlərində Azərbaycan ordusu məhz bu zərb-məsəli tətbiq edib və sabiq
prezident Serj Sarkisyan yalnız bundan sonra məsələnin nə yerdə olduğunu başa
düşərək vəzifədən getməli olub: "İndi görünür Paşinyanı da bu cür başa salmağın
vaxtı çatıb. İkinci "aprel həmləsi" olsa Paşinyan dərhal Madrid prinsiplərini
də, onun nədən ibarət olduğunu da və necə dəqiq olduğunu dərhal başa düşəcək. Bu
gerçəkliyi bildiyi üçün Ermənistan müdafiə naziri David Tanoyan qısa müddət
sonra "format dəyişmək” həvəsindən düşdü və sülh istədiyini bildirdi. Hətta
arzu etdi ki, Azərbaycan hərbi-siyasi elitası da sülhə hazırlaşsın. Elə biz də
sülh istəyirik. Sülhün olması isə daha çox işğalçı Ermənistandan asılıdır. Torpaqlarımızdan
çıxıb getsinlər ki, sülh olsun. Əks təqdirdə anlaşmağa çalışan soyadlar dəyişə
bilər. Yəni artıq işğalçı Ermənistan Azərbaycan xarici işlər naziri Elmar Məmmədyarovla
deyil, müdafiə nazirimiz Zakir Həsənovla anlaşmalı olarlar ki, bu da ermənilər
üçün heç arzu olunan deyil. Düşünürəm ki, baş diplomatımız bu sözü yerində
deyib və bunun ardınca əməli addımlar olmalıdır. Onada işğalçı Ermənistanın və
onun hərbi-siyasi elitasının necə davrandığını hamımız görəcəyik”.
Alpər TURAN
