Heydər Əliyev Sarayında anım mərasimi keçirilib
Bu gün
Heydər Əliyev Sarayında Azərbaycan xalqının ümummilli liderinin anım mərasimi
keçirilib.
Tədbiri Heydər Əliyev Sarayının direktoru, "Şöhrət” ordenli Əməkdar mədəniyyət
işçisi Fərhad Babayev açaraq ulu öndərin şərəfli həyat yolundan, xalqı
qarşısındakı misilsiz xidmətlərindən və mədəniyyət və incəsənətimizin inkişafı
istiqamətində həyata keçirdiyi tədbirlərdən bəhs edib. O, ulu
öndərin müdrik siyasəti və misilsiz xidmətləri nəticəsində respublikamızın
qazandığı uğurlarda, dünya birliyində layiqli yer tutmasında, zəngin mədəniyyətimizin
bugünkü səviyyəyə yüksəlməsindəki əvəzedilməz rolu haqqında geniş məlumat verib.
Mərasim iştirakçıları müasir Azərbaycan dövlətinin
qurucusu və memarını dərin hörmət və ehtiramla yad ediblər. Çıxış edənlər ulu
öndər Heydər Əliyevin həyatı, fəaliyyəti, respublikamızın mədəni həyatında
etdiyi yeniliklərdən, uğurlu layihələrdən, ölkəmizin inkişaf və tərəqqisi naminə
gərgin əməyindən danışıblar.
Tədbirdən
sonra Heydər Əliyev Sarayının rəhbərliyi və kollektivi xalqımızın ümummilli
liderinin Fəxri Xiyabandakı məzarını ziyarət ediblər. Heydər Əliyevin unudulmaz
xatirəsinə bəslədikləri dərin hörmət və ehtiramın ifadəsi olaraq, onun ruhu
qarşısında baş əyib, məzarı üzərinə tər çiçəklər düzüblər.