Heydər Əliyev Fondunun nümayəndələri zəlzələ bölgəsində sakinlərlə görüşür

Heydər Əliyev Fondunun "Regional İnkişaf” İctimai Birliyinin (RİİB) nümayəndələri və könüllüləri ötən gecə zəlzələ olan bölgələrdə dağıntılar qeydə alınan yerlərdə sakinlərlə görüşüb.
Bu barədə Trend-ə İctimai Birlikdən məlumat verilib.
Fondun prezidenti Mehriban Əliyevanın tapşırığına əsasən hər bir sakinin evində olan RİİB nümayəndələri mövcud vəziyyət barədə məlumatlar toplayır və onların həlli üzrə müvafiq icra strukturları ilə birgə işlər aparır.
Sakinlərin hər birinin zəlzələdən sonrakı problemlərinin qısa müddət ərzində həll ediləcəyi bildirilib.