Het-trik edən futbolçu Qurbanovdan dəvət gözləyir
Almaniyanın 3-cü Bundesliqasında çıxış edən "Proyssen” klubunun
azərbaycanlı hücumçusu Rüfət Dadaşov "Bild" nəşrinə müsahibə verib.
Kaspi.az xəbər verir ki, Rüfət 9-cu turda "Hanza Rostok”a 4:1 hesabı
ilə qalib gəldikləri oyunda het-trik etməsi haqda da danışıb:
"Bəzən oynadığım oyunlardan sonra bir az yuxusuz qalıram. Özü də belə
bir oyundan sonra. Hər şey əla oldu. Belə şeyi sonuncu dəfə
"Dinamo"da yaşamışdım.
3-cü Bundesliqaya uyğunlaşmaq bir qədər vaxt apardı. Artıq işlər
qaydasına düşür. Regional liqa ilə bura arasında fərq həddən artıq böyükdür.
Baş məşqçimiz çempionata uyğunlaşmaq üçün şans verəcəyini bildirdi. Onun
etimadını doğrulda bildim. Bunun üçün çox sevinirəm".
Sonuncu dəfə 4 il əvvəl Azərbaycan yığmasında forma geyinən Rüfət
millidən dəvət gözləyir:
"Azərbaycan millisində 16 oyun keçirmişəm və 4 qol vurmuşam.
Milliyə istənilən vaxt dəvət almaq olar. Yenidən dəvət alsam, qürur duyaram və
sevinərəm".
27 yaşlı futbolçu inancı ilə bağlı da danışıb:
"Oyundan əvvəl boynumdan asdığım xaçı öpürəm. Mən rus pravoslavıyam,
qaydalara riayət edirəm. Meydana daxil olanda xaç çevirirəm. Bunu ictimaiyyət
üçün deyil, özümə görə edirəm".