Həsən Ruhani İlham Əliyevi təbrik edib

İranın Azərbaycandakı səfirliyindən APA-ya verilən məlumata görə, təbrikdə deyilir: “Azərbaycan Respublikası prezidenti vəzifəsinə seçilməyiniz münasibətilə Sizi, dövlətinizi və Azərbaycan xalqını səmimiyyətlə təbrik edirəm. Ümid edirəm ki, bizim əməkdaşlığımız, İran İslam Respublikası və Azərbaycan Respublikası arasında mövcud olan xoş münasibətlər yeni dövrdə də qarşılıqlı hörmət və xalqlarımız mənafeləri çərçivəsində daha da inkişaf edəcək. Allah-təaladan Sizə cansağlığı, uğurlar, Azərbaycan dövləti və xalqına xoşbəxtlik və rifah arzu edirəm”.