• cümə, 29 Mart, 10:53
  • Baku Bakı 5°C

Hərbi Prokurorluq İsa Sadıqovla bağlı məsələyə aydınlıq gətirdi

19.06.13 17:42 1694
Hərbi Prokurorluq İsa Sadıqovla bağlı məsələyə aydınlıq gətirdi
Azərbaycan Hərbi Prokurorluğu beynəlxalq axtarışa verilən müdafiə nazirinin keçmiş müavini, sabiq hərbi hissə komandiri İsa Sadıqovla bağlı məsələyə aydınlıq gətirib.
Qurumun mətbuat xidmətindən APA-nın sorğusuna cavab olaraq bildirilib ki, Azərbaycan Ordusunun ehtiyatda olan polkovniki, Azərbaycan Respublikası Ali Məhkəməsi Hərbi Kollegiyasının 23 yanvar 1996-cı il tarixli hökmü ilə 01 sentyabr 2000-ci il tarixədək qüvvədə olmuş Azərbaycan Cinayət Məcəlləsinin 244-cü maddəsinin “A” bəndi ilə təqsirli bilinərək 3 il müddətinə azadlıqdan məhrum edilmiş Sadıqov İsa Nəzər oğlunun Cinayət Məcəlləsinin 341.3-cü (hakimiyyətdən sui-istifadə etmə) maddəsi ilə təqsirləndirilməsinə dair cinayət işinin ibtidai araşdırması aparılır.
Bununla əlaqədar 25 fevral 1993-cü il tarixdə Qazax Qarnizonu Hərbi Prokurorluğu tərəfindən faktı üzrə 01 sentyabr 2000-ci il tarixinədək qüvvədə olmuş Cinayət Məcəlləsinin 255-ci maddəsinin “V” bəndi ilə cinayət işi başlanıb və istintaq aparılıb. 14 aprel 2012-ci il tarixdə cinayət işi üzrə icraatın dayandırılması haqqında 01 dekabr 2001-ci il tarixli qərar təzələnib və Cinayət Məcəlləsinin 341.3-cü maddəsinə tövsif edilib.
Hazırda həmin cinayət işi üzrə zəruri istintaq tədbirləri davam etdirilir.
banner

Oxşar Xəbərlər