Hərbi hissədə yanğın

Azərbaycanda hərbi hissədə yanğın baş verib.
APA-nın məlumatına görə, hadisə Müdafiə Nazirliyinin Ağcabədi rayonunda yerləşən “N” saylı hərbi hissəsində qeydə alınıb.
Hərbi hissəyə məxsus anbarda meydana gələn yanğına sobada baş verən nasazlıq səbəb olub. Nəticədə xeyli sayda hərbi geyim yanaraq yararsız hava düşüb. Hadisə zamanı xəsarət alan olmayıb.
Müdafiə Nazirliyinin mətbuat xidmətindən APA-ya faktı təsdiqləyiblər.