Həkimlər “Atletiko”nun futbolçusunu niyə aldadıblar?
"Atletiko”nun futbolçusu Anxel Korrea İspaniyaya gələrkən
sağlamlığında yaranan problem barədə danışıb.
Kaspi.az xəbər verir ki, Korrea "San-Lorenso”dan "Atletiko”ya keçərkən
həkimlər onun ürəyində problem aşkar ediblər. Hücumçu bildirir ki, əməliyyat
olunması üçün həkimlər ona yalan danışmalı olublar:
"Madridə agentimlə gəldim. Tibbi baxışdan keçməliydim.
Müayinədən keçərkən həkimlər ürəyimdə
problem aşkarladılar. Bildirdilər ki, əməliyyat olunmalıyam.
Ancaq mən bunu istəmirdim. Çünki qarşıda Libertadores kubokunun
yarımfinal oyunu vardı. Ancaq sonradan soyuq başla düşünüb, əməliyyata razılıq
verdik.
Amma ilk növbədə həkimlərdən futbol oynaya bilib-bilməyəcəyimi soruşdum.
Onlar mənə dedilər ki, narahat olmaq üçün heç bir risk yoxdur.
Amcaq sən demə, böyük risk
varmış və həkimlər məni aldadıblar. Onlar bunu əməliyyatdan sonra etiraf
edilər. Xoşbəxtlikdən, hər şey uğurlu alındı”.