• cümə axşamı, 25 aprel, 05:56
  • Baku Bakı 19°C

Hafiz Hacıyevin prezidentliyə namizədliyi irəli sürülüb

10.02.18 15:21 698
Hafiz Hacıyevin prezidentliyə namizədliyi irəli sürülüb
Bu gün MüasirMüsavat Partiyasının Siyasi Şurasının növbədənkənar iclası keçirilib.
APA-nın məlumatına görə, iclasda çıxış edən MüasirMüsavat Partiyasının sədri Hafiz Hacıyev deyib ki, adını müxalifət qoyan, Soros Fondundan maliyyələşən bəzi qüvvələr ölkədə müəyyən problemlər yaratmağa cəhd edirlər.
Azərbaycanın müstəqil xarici siyasət kursu olduğunu vurğulayan H. Hacıyev bildirib ki, vaxtilə onunla birgə hakimiyyətdə olan bugünkü radikal qüvvələr qarayaxma kampaniyası aparırlar. H. Hacıyev aprelin 11-ə növbədənkənar prezident seçkilərinin təyin edilməsinin məntiqli bir qərar olduğunu söyləyib: "Əli Kərimlinin, Cəmil Həsənlinin seçkilərdə iştirak etməməsi heç nəyi dəyişmir. Mən növbədənkənar prezident seçkilərində iştirak etmək niyyətindəyəm".
Siyasi Şuranın iclasında MüasirMüsavat Partiyasının növbədənkənar prezident seçkilərində iştirak etməsi və partiya sədri Hafiz Hacıyevin prezidentliyə namizədliyinin irəli sürülməsi barədə qərarlar qəbul edilib.
banner

Oxşar Xəbərlər