Gözəllik salonundan “tatuaj” aparatı oğurlandı

APA-nın verdiyi məlumata görə, oğurluq hadisəsi şəhərdəki “Kleopatra” gözəllik salonunda baş verib. Naməlim şəxslər salonun qapısını qıraraq içəri daxil olub və içəridən 1300 manat məbləğində pul və təxmini dəyəri 10 min ABŞ dolları olan bir ədədə “tatuaj” aparatını aparıblar.
Gəncə Şəhər Baş Polis İdarəsinin müstəntiqi Nəsimi Vəliyevin sözlərinə görə, faktla bağlı Cinayət Məcəlləsinin 177.2.3 və 177.2.4 (xeyli miqdarda ziyan vurmaqla törədilən oğurluq) maddələri ilə cinayət işi başlanıb. Oğurluq hadisəsini törədən şəxsin tapılması istiqamətində əməliyyat axtarış təbirləri həyata keçirilir.