AZE | RUS | ENG |


Göyçaylı fermer təsərrüfatında əsasən ixracyönümlü məhsul yetişdirməyə üstünlük verir

Göyçaylı fermer təsərrüfatında əsasən ixracyönümlü məhsul yetişdirməyə üstünlük verir
Qax rayonunda kənd təsərrüfatı məhsulları istehsalının inkişafı məsələlərinə dair respublika müşavirəsində Prezident İlham Əliyevin dərin məzmunlu nitqini diqqətlə dinlədim. Fındıq, barama, tütünlə yanaşı, digər ixracyönümlü məhsulların istehsalının artırılması ilə bağlı verilən tapşırıqlar, həmçinin bu sahəyə dövlət dəstəyi hər bir fermer kimi, məni də səylə çalışmağa həvəsləndirir.

Bu sözləri AZƏRTAC-a müsahibəsində Göyçayın Qarabaqqal kənd sakini, fermer Comərd Ömərov bildirib.

Bağçılıq və əkinçiliklə məşğul olan C.Ömərov deyib: "Ailəmi dolandırmaq üçün mülkiyyətimdə olan pay torpağında, eləcə də icarəyə götürdüyüm torpaq sahəsində meyvə bağı salmışam, taxıl və sarımsaq yetişdirirəm. Taxıla görə dövlət tərəfindən subsidiya alıram. Ümumilikdə 4 hektar nar, 3 hektar xurma bağım var. Həmçinin bu il 5 hektar taxıl, 2 hektar sarımsaq əkmişəm, qazancım da pis deyil. Gələn il pomidor və xiyar istixanaları inşa etməyi nəzərdə tuturam”.

Göyçaylı fermer ixracyönümlü məhsul kimi nar və xurma bağlarının ərazisini genişləndirməyi, sarımsaq əkini sahəsini artırmağı qarşıya məqsəd qoyduğunu bildirib.
 
"Təsərrüfatımda əsasən ixracyönümlü məhsullara üstünlük verirəm. Yetişdirdiyim nar, xurma və sarımsağı Rusiyaya ixrac edirəm. Rusiya bazarına çıxarmaq üçün, pomidor və xiyar əkməyi də planlaşdırıram”.





Paylaş:

Facebook-da

Reklam

Xəbər lenti

Valyuta məzənnəsi

Tipi Ədə. Adı AZN
IRR 100 İran rialı 0.0042
GEL 1 Gürcü larisi 0.6654
GBP 1 İngilis funt sterlinqi 2.2846
TRY 1 Türk lirəsi 0.4379
KWD 1 Küveyt dinarı 5.6285
SEK 1 İsveç kronu 0.2014
EUR 1 Avro 2.0032
CHF 1 İsveçrə frankı 1.7194
USD 1 ABŞ dolları 1.7001