Gürcü pianoçu Bakıda beynəlxalq musiqi festivalında çıxış edəcək

Gürcü pianoçu Bakıda beynəlxalq musiqi festivalında çıxış edəcək

Mədəniyyət
27 İyul 2019, 17:45 16292
Heydər Əliyev Fondunun və Mədəniyyət Nazirliyinin təşkilatçılığı ilə sentyabrın 18-dən 30-dək XI Üzeyir Hacıbəyli Beynəlxalq Musiqi Festivalı keçiriləcək.
AZƏRTAC xəbər verir ki, builki festivalda ABŞ, Rusiya, Çin, Türkiyə, İtaliya, Özbəkistan, Belarus, Bolqarıstan, Ukrayna və Gürcüstandan tanınmış musiqiçi və kollektivlərin iştirakı ilə 40-a yaxın tədbirin keçirilməsi nəzərdə tutulub.
Festival çərçivəsində sentyabrın 22-də Heydər Əliyev Sarayında Xalq artisti, dirijor Rauf Abdullayevin rəhbərliyi ilə Ü.Hacıbəyli adına Azərbaycan Dövlət Simfonik Orkestri və tanınmış gürcü pianoçu Xatia Buniatişvili çıxış edəcək.
Konsert proqramında Fikrət Əmirov, Niyazi və Elmira Nəzirovanın əsərləri ifa olunacaq.