“Gəzər bazar” bazarı ayağınıza gətirir - Fotolar
"Ərzaq məhsullarının
tədarükü və təchizatı” Açıq Səhmdar Cəmiyyətinin yerli istehsalı dəstəkləmək məqsədi ilə həyata
keçirdiyi səyyar satış sistemi bu həftədən fəaliyyətə başlayıb. "Gəzər bazar”
tanıdıcı loqosu ilə təqdim olunan səyyar satış yük avtomobilləri fermerlərdən tədarük
olunmuş məhsulları həftəsonu yarmarkalara çıxarıb. Altı ədəd yük avtomobili
vasitəsi ilə 30 tona qədər məhsul Xətai rayonu, Bakı kinoteatrının qarşısındakı, Binəqədi
rayonu, "Elit” Ticarət mərkəzinin arxasındakı və Sumqayıt şəhərində təşkil
olunmuş yarmarkalarda satışa təqdim olunub. Səyyar satış avtomobilləri sabah da
adıçəkilən yarmarkalara kənd təsərrüfatı məhsulları çıxaracaq. Məhsulların qiyməti
mövcud qiymətlərlə müqayisədə 20 faiz ucuzdur.
Bazar ertəsindən etibarən isə "Gəzər bazar” avtomobilləri
paytaxtın bütün rayonlarında satış prosesinə başlayacaq.
"Ərzaq məhsullarının tədarükü və təchizatı” ASC bir
müddət əvvəl şəxsi yük avtomobili olan şəxsləri və dükan sahiblərini əməkdaşlığa
dəvət etmişdi. Marağı olan şəxslər müraciət edə bilər.
Səhmdar Cəmiyyət tərəfindən tətbiq ediləcək güzəştlər:
- Müvafiq
icra hakimiyyəti orqanları tərəfindən səyyar satış üçün tələb olunan xüsusi
icazələrin alınması;
- Növündən
asılı olmayaraq məhsulların topdansatış qiymətinə verilməsi.
Maraqlananların daha geniş məlumat almaları və
müqavilə bağlamaları üçün aşağıdakı ünvana müraciət etmələri xahiş olunur.
Ünvan: "Ərzaq məhsullarının
tədarükü və təchizatı” Açıq Səhmdar Cəmiyyəti, Bakı ş., Qaradağ rayonu,
Lökbatan q., Xocahəsən yolu 57 (Meyvəli Loqistika Mərkəzi).
Əlaqə telefonu: 012
555 04 14