Gəncliyinə etibar edən Azərbaycan dövləti
Avqust ayının
12-si bütün dünyada Beynəlxalq Gənclər Günü kimi qeyd olunur. Düzdür, Azərbaycanda
2 fevral tarixi də Gənclər Günüdür, amma bayramın çoxundan ziyan gəlməz,
xüsusilə söhbət gənclərdən gedirsə...
Çünki hər bir
ölkənin inkişafında onun gənclərinin rolu danılmazdır. Ona görə də, hər bir ölkədə
gənclərin hərtərəfli inkişafını, cəmiyyətin həyatında onların fəal iştirakını təmin
etmək məqsədi ilə siyasət aparılır. Azərbaycan da həmçinin. Ümumi vəziyyət necədir?
Gənclərimizin cəmiyyətin inkişafında rolu nədən ibarətdir? Bu rolun artırılması
istiqamətində hansı işlər görülür, həllini gözləyən hansı problemlər var?
Azərbaycan Gənc Alim, Aspirant və
Magistrlar Cəmiyyətinin sədri, fəlsəfə doktoruİlqar Orucov "Kaspi”yə
açıqlamasında bildirdi ki, bu gün aparılan gənclər siyasətin uğurlu nəticəsi əldə
olunmaqdadır: "Hər
bir cəmiyyətin inkişafını gənclərsiz təsəvvür etmək mümkün deyil. Ümummilli
lider Heydər Əliyevin Azərbaycan gənclərinin cəmiyyətdə rolunun artırılması və
bütövlükdə müstəqil dövlətimizin gənclərinin formalaşması istiqamətində vaxtilə
həyata keçirdiyi siyasətin məğzində də məhz bu dururdu. Artıq aradan illər keçib
və indi o işlərin uğurlu nəticələri əldə olunub. Hər bir ölkənin gələcəyi ilk
növbədə onun gənc nəslinin hazırlığından, hansı səviyyədə olmasından asılıdır.
Gənclərin ilk forumunun keçirilməsi ilə onların problemlərinin müəyyənləşdirilməsi,
fikir və təşəbbüslərinin dəstəklənməsi, bu sahədə proqramların qəbul edilməsi,
gənclərin inkişafı ilə bağlı milli strategiya və s. bütün bunlar i etibar edəcəyimiz
gənclər yetişdirməyə hesablanmışdı. Bu gün biz qürurla deyə bilərik ki, istədiyimiz
o gənclik formalaşıb. Artıq bütün sahələrdə gənclik dövlətin inkişafına töhfəsini
verir”.
Elm sahəsinə gəlincə,
İ.Orucov bildirdi ki, gənclərimz artıq dünyada gedən elmi proseslərin içindədir.
Dünyanın müxtəlif auditoriyalarında, elmi mərkəzlərində, eyni zamanda Azərbaycan
elminin ənənələrini davam etdirmək istiqamətində çalışırlar: "Amma elmi gəncliklə
bağlı müəyyən məqamlar var ki, bizi hər zaman düşündürür. Dünya inkişaf edir,
zaman keçdikcə çağırırlar dəyişir və cəmiyyətin elmi təbəqəsi buna hazır
olmalıdır. Bu gün dünya elmində Azərbaycanın payı qənaətbəxş səviyyədə olmasa
da, gənclərimiz çətinliklərə baxmayaraq əzmlə çalışırlar. Bu, gələcəyə ümidlə
baxmağa imkan verir. Uzun illərdir ki, elmlə gəncliyi özündə cəmləşdirən təşkilata
rəhbərlik edirəm. 2000-ci ildə olan problemlər bu gün demək olar ki, yoxdur. 10
il əvvəlki problemlərin böyük qismi həll olunub. 5-10 ildən sonra çağırışlar dəyişəcək,
yeni problemlər ortaya çıxacaq. Çünki dünyada sürətli bir dəyişim prosesi
gedir. Bu baxımdan, Azərbaycanın elmi gəncliyinin üzərinə daha çox məsuliyyət
düşəcək”.
Gənclər
üçünTəhsil
Mərkəzinin rəhbəri Fəxrəddin Həsənzadə bildirdi ki, son dövrlərdə gənclər siyasəti sahəsində qəbul olunan
uzunmüddətli dövlət proqram və strategiyaları gənclərin cəmiyyətin inkişafında fəal
iştirakını ciddi surətdə canlandırı: "İstənilən cəmiyyətdə maliyyə-iqtisadi
potensial artdıqca, bütün sahələrin inkişafına kapital qoyulur. Dövlətimizin
insan kapitalının və gənclik ordusunun formalaşdırılması istiqamətində həyata
keçirdiyi tədbirlər planı yüksək intellektli, savadlı nəslin formalaşmasına zəmin
yaradır. Bu gün cəmiyyətin istənilən sahəsində həm qanunverici, həm icraedici
orqanlarda gənclərin təmsil olunması onu göstərir ki, Azərbaycan dövləti gəncliyinə
etibar edir və onun bilik və potensialını cəmiyyətimizin inkişafı istiqamətinə
yönləndirir”.
F.Həsənzadənin sözlərinə
görə, bu gün gənclərimiz təşəbbüslərin icraçısından əlavə, özü təşəbbüskara
çevrilib: "Son iki ayda ölkəmizdə fəaliyyətə başlayan agentliklər və publik
hüquqi şəxslərin rəhbər heyətində gənc nəslin təmsil olunması buna ən aydın
cavabdır”.
Təşkilat rəhbəri deyir
ki, gənclər təşkilatları fəaliyyət istiqamətlərində, məhz gənclərin ümumi
maraqlarının gözlənilməsini, qəbul olunan proqramlardan ümumrespublika gənclərinin
faydalanmasını təmin etməyi əsas prioritet istiqamət seçməlidir: "Hər bir gəncimizin
bu tendensiyadan kənarda qalmaması başlıca vəzifəmiz olmalıdır. Rəsmi olaraq
ölkəmizdə 300-dən çox gənclər təşkilatı və 3 milyon gənc var. Bu baxımdan, hər
təşkilata 10 min gənc düşür. Bu sahədə gənclər təşkilatlarının əsas zəif tərəfi
onların çoxşaxəli olmaması və mütləq əksəriyyətinin Bakıda fəaliyyət göstərməsidir.
Bu stereotiplərin ləğv edilməsi üçün hər bir gənclər təşkilatı təşəbbüskarlığını
əsirgəməməlidir”.
"İslahatçı Gənclər” İctimai Birliyinin sədri Fərid
Şahbazlı bildirdi ki, Azərbaycanda gənclər siyasəti
ümumi dövlət siyasətinin prioritet istiqaməti kimi həyata keçirilir: "Ulu Öndər
Heydər Əliyev Azərbaycanda hakimiyyətə gəldikdən sonra gənclər siyasətinin əsası
qoyulub və o siyasət bu gün ölkə rəhbərliyi tərəfindən uğurla davam etdirilir. Gənclərimiz
də dövlətimizin yaratdığı şəraitdən maksimum faydalanmağa və etimada layiq
olmağa çalışır. Gəncliyimiz tarixin bütün mərhələlərində Azərbaycan dövlətinin,
dövətçiliyinin yanında olub, ölkənin ictimai-siyasi həyatında aktiv iştirak
edib. Müstəqilliyimizin əldə olunmasında, ölkənin inkişaf etməsində, müasir Azərbaycanın
daha da güclənməsində gənclərimizin mühüm rolu var. Gənclərimiz qısa müddətdə
böyük uğurlar əldə ediblər. Amma qarşıda bizi gözləyən böyük hədəflərimiz var.
Bunun üçün biz gənclər beynəlxalq əməkdaşlığa daha çox diqqət yetirməli, digər
ölkələrin gəncləri ilə münasibətləri daha da dərinləşdirməli, bu vasitə ilə Azərbaycan
həqiqətlərinin dünyaya çatdırılmasında aktiv rol oynamalıyıq”.
A.Əhmədova