"Gənclərin sahibkarlığa cəlb edilməsi iqtisadiyyatımızın inkişafına dəstəkdir" - Fotolar
İqtisadiyyat Nazirliyi
və Yeni Azərbaycan Partiyası (YAP) Gənclər Birliyinin birgə təşkilatçılığı ilə Bakı Biznes Mərkəzində "Gənclər arasında
sahibkarlığın təşviqi: yeni çağırışlar və perspektivlər" mövzusunda konfrans keçirilib.
Tədbiri
giriş sözü ilə İqtisadiyyat nazirinin müavini
Sahib Məmmədov layihənin pilot xarakteri daşıdığını qeyd edib. O, Azərbaycanda
həyata keçirilən iqtisadi siyasətin əsas istiqamətləri, dövlət proqramlarında gənclərin
sahibkarlıq təşəbbüslərinin dəstəklənməsinə, yeni biznes və məşğulluq
imkanlarının genişləndirilməsinə, fəaliyyətə yeni başlayan sahibkarlıq subyektlərinə
dövlət dəstəyinin artırılmasına dair qarşıya qoyulan hədəflər barədə tədbir
iştirakçılarına məlumat verib.
Sonra YAP Gənclər
Birliyinin sədri Seymur Orucovkonfransın mahiyyəti və uğurları haqqında gənclərə məlumat verib. Bildirib
ki, gənclərin sahibkarlığa cəlb edilməsi iqtisadiyyatımızın inkişafına dəstəkdir.
Onun sözlərinə görə, sahibkarlığa iddialı gənclərə innovativ düşüncə aşılanmalı
və onlar arasında maarifləndirmə işləri aparılmalıdır. S.Orucov qeyd edib ki, təlimin məqsədi
bu sahədə çalışan gənclərə şəxsi biznesin qurulması və uğur qazanmaqda yardımçı
olmaqdır.
Sonra gənc sahibkarlar gənclərə biznes etikası və mədəniyyəti,
biznes planın yazılması qaydaları və təşkil edilməsi, marketinqin əsasları,
innovativ biznes ideyaları və onların həyata keçirilməsi haqqında geniş məlumat
veriblər.
Tədbirin sonunda gənclər biznes
planları haqqında danışıb, təkliflər dinlənilib, iştirakçıları
maraqlandıran suallar cavablandırılıb və kənd təsərrüfatı mallarının sərgisi keçirilib.
Kaspi.az