“Gənclərimizin üzərinə böyük vəzifələr düşür” – Millət vəkili
"Prezident İlham Əliyev yanvarın 26-da Rəşad Nəbiyevi
nəqliyyat, rabitə və yüksək texnologiyalar naziri təyin olunması ilə əlaqədar
videoformatda qəbul edərkən bir çox məqamlara diqqət çəkdi. Bu günə qədər
görülmüş işlərin qeyd edilməsi ilə yanaşı qarşıda duran vəzifələrin də xüsusi dəqiqliklə
vurğulanması deməyə əsas verir ki, ölkəmiz
yaxın gələcəkdə daha böyük uğurlara imza atacaqdır”.
Bu barədə Prezident
İlham Əliyevin səsləndirdiyi fikirləri "Kaspi" qəzetinə şərh edən
Milli Məclisin Gənclər və idman komitəsinin üzvü Cavid Osmanov deyib.
Deputat qeyd edib
ki, gələcəkdə uğurların qazanılması üçün gənclərin
potensialından istifadə edilməsi mütləqdir.
Onun sözlərinə görə, Azərbaycan gəncliyi
müasir düşüncəli, yüksək intellektə malik gənclikdir: "Cənab Prezidentimiz
İlham Əliyevin həyata keçirdiyi gənclər siyasəti nəticəsində ölkə gənclərinin xarici
ölkələrdə yüksək ali təhsil almaları, müsair elmi biliklərə yiyələnmələri dövlətimiz
tərəfindən təmin olunur. Gənclərimizin xarici ölkələrdə ali təhsil aldıqdan
sonra qayıdaraq ölkəmizin gələcək inkişafına öz töhfələrini vermələri mütləqdir.
Cənab Prezidentimiz İlham Əliyev də hər zaman çıxışlarında bunları qeyd edir.
Dövlətimiz hər zaman gənclər üçün imkanlar yaradır, onların irəli çəkilməsini təmin
edir. Xaricdə təhsil alan gənclərimiz bu işlərdə ön sıralarda dayanırlar. Bir
sözlə dövlətimiz gənclər üçün lazimi şəriti yaradır və cənab Prezidentimizin
tapşırıqlarına əsasən bundan sonra da gənclər üçün bütün imkanlar yaradılacaq
ki, onlar ölkəmizin gələcək inkişafına öz töhfələrini versinlər”.
Millət vəkili yaşadığımız dövürün müsair
texnologiyalar əsri olmasına da diqqət çəkib: "Cənab Prezident İlham Əliyevin də
əsas məqsədi odur ki, Azərbaycan həm müasir texnologiyaların tətbiq edildiyi, həm
də müasir texnologiyalar istehsal edən bir ölkəyə çevrilsin. Məhz bu işlərdə gənclərimizin
də üzərinə böyük vəzifələr düşür. Dövlətimizin, dövlət başçımızın gənclərə göstərdiyi
etimadı doğruldaraq ölkəmizin inkişafına töhfə vermək hər bir gəncin əsas amalı
olmalıdır”.
Rufik İSMAYILOV