Gəncənin din xadimləri: Elmar Vəliyev dinə qarşı olmayıb - Video
Gəncə şəhər
İcra Hakimiyyətinin başçısı Elmar Vəliyev dinə qarşı olmayıb. Gəncənin din
xadimləri belə bir açıqlama ilə çıxış ediblər. Onların sözlərinə görə, baş verənlər
dini don geyindirilmiş siyasi terror aksiyasıdır.
Hacı Əlisəftar Səfərəliyev - Gəncə şəhər
"Şah Abbas Cümə Məscidi” dini icmasının sədri:"Müəyyən
olunmuş qaydalar çərçivəsində Gəncədə bütün dini mərasimlər keçirilir. Elə bir
dini mərasim yoxdur ki, baş tutmamış, keçirilməmiş olsun. Misal olaraq: Ramazan
ayı yeni bitib. Bu müqəddəs ayda iftarlar verilib, özü də çox yüksək səviyyədə.
Şəhər ziyalılarınınn, ictimaiyyət nümayəndələrinin və təbii ki, dindarların
iştirakı ilə "İmamzadə”də iftar verilib. Qurban bayramı da onun kimi, hər
zaman ən yüksək səviyyədə keçirlir. Qubanlar kəsilir, ehtiyacı olanlara qurban
payı verilir”.
Kərbəlayi
Ələkbərov Ağakərim – din xadimi:"Gəncədəki İmamzadə türbəsi
gözəl şəkildə təmir olunub. Bərpa edilib. Orada Həzrəti İmam Hüseynin adını
daşıyan meydan da yaradılıb ki, bu da dindarların sərbəst şəkildə dini ayinləri
icra etmələrinə imkan verir. Baş vermiş bu son hadisələri din adı ilə
bağlayanlara etirazımı bildirirəm. Azərbaycan güclü dövlətdir və bu hadisə də
ölkə rəhbərinin öz nəzarətindədir. Bu hərəkətin, bu əməlin dinlə heç bir əlaqəsi
yoxdur”.
Hacı
Qadir Zeynalov - din xadimi:"Mən Elmar Vəliyevə
gördüyü bu işlərə görə hər zaman "Gəncənin əzizi” demişəm. O dindarlarla gözəl
münasibətdə olubdur. Hər zaman istəyib ki, məscidlərin və dindarların təhlükəsizliyini
təmin etsin. Hər zaman istəyib ki, din adı altında öz məkirli niyyətlərini həyata
keçirmək istəyənləri buradan uzaq tutsun. Hər il "İmamzadə”də iftar süfrəsi
açılıb və hər birində də özü şəxsən iştirak edib”.