Gəncədə YAP fəalları arasında peyntbol yarışı keçirilib
Gəncədə şəhər İcra Hakimiyyətinin dəstəyi ilə YAP Gəncə şəhər təşkilatı Azərbaycan Ordusunun
100 illiyinə həsr olunmuş peyntbol yarışı keçirib.
Yarışda YAP Gəncə şəhər təşkilatı
Gənclər Birliyinin fəal gənclərindən ibarət 6 komanda iştirak edib. Finala vəsiqə qazanan 3 komanda böyük həvəslə
birincilik
uğrunda
mübarizə aparıb.
Gərgin
idman mübarizəsi şəraitində keçən yarışın finalında Azərbaycan Dövlət Aqrar Universitetinin komandası rəqib komandadan güclü olduğunu nümayiş
etdirib. Gəncə Regional
Kollecinin tələbələri yarışı ikinci,
YAP Gəncə şəhər təşkilatı Gənclər Birliyinin fəalarından ibarət komanda isə üçüncü pillədə başa vurub.
Komandaların
mükafatlandırılması mərasimində çıxış edən YAP Gəncə şəhər Təşkilatı Gənclər
Birliyinin sədri Yüksəl Məmmədov peyntbol hərbi-idman oyununun gənclərin fiziki sağlamlığını qorumaq, hərbi-vətənpərvərlik
ruhunu gücləndirmək, silahdan atış vərdişlərini təkmilləşdirmək, asudə vaxtın səmərəli
təşkilinə nail olmaq və bu növdə ən güclü idmançıları müəyyənləşdirmək məqsədilə
keçirildiyini bildirib.
Sonda
yarışın mükafatçıları Fəxri Fərmanla təltif ediliblər.