Gəncədə YAP fəalları ağacəkmə aksiyasını uğurla davam etdirirlər
Yeni Azərbaycan Partiyasının yaranmasının 25 illik yubileyi ilə əlaqədar
"Hərəyə bir ağac əkək” kampaniyası çərçivəsində
YAP Gəncə şəhər təşkilatı tərəfindən ağacəkmə aksiyası uğurla davam etdirilir.
Bütün ölkə üzrə davam edən
aksiyada YAP Gəncə şəhər təşkilatının fəalları, ilk partiya təşkilat sədrləri və
gənclər iştirak ediblər.
Aksiya üzvləri kampaniya çərçivəsində
Gəncə şəhərinin Heydər Əliyev Park Kompleksinin ərazisində 2 min ədəd Eldar
şamı ağacı əkiblər.
Partiya
fəalları ağac əkməklə yanaşı, ərazidə təmizlik-abadlıq işləri aparıb, ərazini
alaq otlarından, daşlardan təmizləyib, yeni əkilən ağacları suvarıb, əvvəllər
basdırılan tinglərə aqrotexniki qaydada qulluq göstəriblər.