AZE | RUS | ENG |

Gəncədə vətəndaşların səyyar qəbulu keçirilib - Fotolar

Gəncədə vətəndaşların səyyar qəbulu keçirilib - Fotolar
Gəncə Şəhər İcra Hakimiyyətinin başçısı Niyazi Bayramov sakinlərlə görüşüb. Görüşdə Prezident Administrasiyasının Ərazi Təşkilat Şöbəsinin sektor müdiri Vəfadar Bağırov da iştirak edib.  Qəbulda 80-ə yaxın sakinin müraciəti dinlənilib. Heydər Əliyev prospekti, 103 ünvanında baş tutan görüşdə Gəncənin müxtəlif ərazilərindən gələn sakinlərin şikayət və təkliflərinə baxılıb. Ara küçələrin asfaltlanması, bəzi istiqamətlər üzrə işləyən avtobusların marşrut xətlərinin uzadılması, küçələrin gecə işıqlanmasının yaxşılaşdırılması, işlə təminat, fərdi yaşayış evlərinin təmiri, ticarət obyekti və fərdi yaşayış evinin inşası üçün torpaq sahəsinin verilməsi, bəzi ərazilərdə əhalinin su təminatının yaxşılaşdırılması kimi məsələlər müraciətlərin əsasını təşkil edib.
 
Sakinlərə cavab olaraq bildirilib ki, Gəncənin içməli su təchizatı və kanalizasiya sistemlərinin yenidən qurulması layihəsinin yekunlaşdığı küçələrdə asvlat örtüyünün yenilənməsinə başlanılıb. Buna paralel olaraq həmin küçələrin gecə işıqlanması da yenidən qurulacaq.  İşlə bağlı müraciət edən vətəndaşlar müvafiq olaraq Gəncə şəhər Kəpəz və Nizami rayon Məşğulluq mərkəzlərinə yönləndiriliblər. Ticarət obyekti və fərdi yaşayış evinin inşası üçün torpaq sahəsinin verilməsini istəyən sakinlərə isə izah olunub ki, onlar Kəpəz və Nizami rayon Bələdiyyələrinə müraciət etməlidirlər. Niyazi Bayramov səsləndirilən digər məsələlərin qanunvericiliyə uyğun həll olunması istiqamətində müvafiq tapşırıqlar verib. Gəncə Şəhər İcra Hakimiyyətinin fəaliyyət dairəsinə daxil olmayan məsələlərlə bağlı müraciətlər isə qeydiyyata alınaraq, müvafiq qurumlara göndərilməsi üçün nəzarətə götürülüb.

Qeyd edək ki, Prezident İlham Əliyevin göstəriş və tapşırıqlarına uyğun olaraq keçirilən qəbulların məqsədi vətəndaşların problemlərini öyrənmək və onları həll etməkdir. 
 



Paylaş:

Facebook-da

Reklam

Xəbər lenti

Valyuta məzənnəsi

Tipi Ədə. Adı AZN
IRR 100 İran rialı 0.0040
GEL 1 Gürcü larisi 0.6308
GBP 1 İngilis funt sterlinqi 2.2135
TRY 1 Türk lirəsi 0.3020
KWD 1 Küveyt dinarı 5.6066
SEK 1 İsveç kronu 0.1881
EUR 1 Avro 1.9479
CHF 1 İsveçrə frankı 1.7064
USD 1 ABŞ dolları 1.7000