Gəncədə təşviqat kampaniyasına start verilib - Fotolar
Bu gün 11 aprel 2018-ci il tarixdə keçiriləcək
Prezident
seçkiləri ilə bağlı Mərkəzi Seçki Komissiyası tərəfindən qeydə alınmış namizədlərin
seçkiqabağı təşviqat kampaniyasına start verilib.
Yeni Azərbaycan Partiyasının Mərkəzi Seçki Qərargahının
Gəncə şəhər şöbəsi təşviqat kampaniyasına uğurla qoşulub. Kampaniya başlayan
andan etibarən partiya fəalları Yeni Azərbaycan
Partiyasının namizədi cənab İlham Əliyevin təşviqat
materiallarını 37, 38, 39 və 40 saylı Seçki Dairələri üzrə seçki məntəqələri ərazilərində nəzərdə tutulmuş seçki
lövhələrində asmağa başlayıblar.
Partiyanın Mərkəzi Seçki Qərargahının Gəncə şəhər şöbəsində prezident
seçkiləri ilə bağlı tədbirlər planı hazırlanıb, ziyalılardan və nüfuzlu şəxslərdən
ibarət təbliğat qrupu yaradılıb. Çevik, operativ fəaliyyət göstərən partiya üzvləri
bu kampaniyanın yüksək səviyyədə keçirilməsi üçün tam səfərbər edilib. 100 nəfərdən
çox gənc təşviqatçı qruplara bölünərək plakatların asılmasında fəalıq göstəriblər. Bukletlərin, təbliğat-təşviqat materiallarının
paylanması ilə yanaşı açıq və qapalı yerlərdə seçicilərlə görüşlər də keçiriləcək.
Mərkəzi Seçki Komissiyası tərəfindən seçkilərlə bağlı hazırlanan Təqvim
Planına əsasən, martın 19-u saat 08:00-da başlayacaq təşviqat
kampaniyası aprelin 10-u səhər saat 08:00-da bitəcək.