Gəncədə Dövlət Müstəqilliyi Gününü qeyd edilib
Azərbaycan Respublikasının dövlət müstəqilliyinin bərpasının 27-ci
ildönümü münasibətilə Yeni Azərbaycan Partiyası (YAP) Gəncə şəhər təşkilatının
qərargahında bayram tədbiri keçirilib.
Əvvəlcə
Azərbaycanın müstəqilliyi və ərazi bütövlüyü uğrunda
canlarından keçmiş şəhidlərin
əziz xatirəsi bir dəqiqəlik sükutla yad edilib.
YAP Gəncə şəhər təşkilatının Aparat rəhbəri Tural Verdiyev tədbir
iştirakçılarını əlamətdar gün münasibətilə təbrik edib, müstəqilliyin bərpasından
sonra Azərbaycanın keçdiyi inkişaf yolundan, qazandığı uğurlardan danışıb. Bildirib
ki, bu gün Azərbaycan dünya dövlətləri sırasında özünə layiqli yer tutub. Bu
inkişaf və tərəqqi Azərbaycanın tarixinə qızıl hərflərlə yazılmış müstəqillik
gününün bəhrələridir. "Müstəqilliyimiz dönməzdir, əbədidir” deyən ulu öndər
Heydər Əliyevin Azərbaycanın qüdrətli dövlətə çevrilməsinə yönəlmiş müdrik
siyasəti bu gün Prezident cənab İlham Əliyev tərəfindən uğurla davam etdirilir.
Azərbaycan gündən-günə daha da güclənir, qüdrətlənir.
YAP Gəncə şəhər təşkilatının İdeologiya şöbəsinin müdiri
Hüseyn Budaqov Azərbaycan
Respublikasının dövlət müstəqilliyi haqqında Konstitusiya Aktının qəbul
olunmasının ildönümünün hər bir azərbaycanlının böyük fəxrlə qeyd etdiyi tarixi
hadisə olduğunu bildirib. Qeyd edib ki, Azərbaycan xalqının ikinci dəfə müstəqilliyini
elan etməsi bir əsrdə xalqımızın siyasi tarixində yaşadığı ikinci ən parlaq qələbə
idi. Dövlət müstəqilliyinin möhkəmləndirilməsində, əbədiliyinin və dönməzliyinin
təmin edilməsində müasir, müstəqil Azərbaycanın memarı və qurucusu, ümummilli
lider Heydər Əliyevin əvəzsiz tarixi xidmətlərini xatırladan Hüseyn Budaqov vurğulayıb ki, müstəqilliyimizin
ilk illərində xalqımız dünyaya bəxş etdiyi dahi insan, böyük vətənpərvər şəxsiyyət
Heydər Əliyev kimi görkəmli bir siyasətçinin siyasi hakimiyyətə gətirilməsi tələbi
ilə ayağa qalxdı və buna nail oldu.
ADAU-nun ictimai elmlər və multikulturalizm
kafedrasının müdiri, professor Azad Bayramov, GDU-nun ümumi tarix kafedrasının
dosenti Hüseyn Bəxtiyarov,
YAP Gəncə şəhər Təşkilatının Tibb Kolleci ərazi ilk
partiya təşkilatının sədri Kifayət Fəttahi və başqaları çıxış edərək, xalqımızın ən böyük nailiyyətlərindən biri olan dövlət
müstəqilliyinin əldə edilməsinin, əbədiliyi və dönməzliyinin ümummilli lider
Heydər Əliyevin adı və fəaliyyəti ilə bağlı olduğunu qeyd edib, Prezident
cənab İlham Əliyevin yürütdüyü uğurlu siyasət nəticəsində Müstəqil Azərbaycan Respublikasının möhkəm əsaslar üzərində
yeni inkişaf xətti tutduğunu söyləyiblər. Qeyd edilib ki, son on beş ildə
Azərbaycan misli görünməmiş inkişafa nail olub, Azərbaycanın iqtisadiyyatında,
hərbi quruculuğunda, elm, mədəniyyət, səhiyyə, təhsil, idman, insanların sosial
müdafiəsi sahələrində böyük uğurlar əldə edilib. Azərbaycan dünyada nüfuzlu
dövlətə çevrilib.
Tədbirdə Xalq
artisti Məmmədəli Balayevin söylədiyi "Yaşa, cənab Prezident!” şeiri gurultulu
alqışlarla qarşılanıb.