Gəncə bazarında qanlı hadisə

Gəncə bazarında qanlı hadisə

Kriminal
22 Aprel 2013, 16:21 1019
Bu gün Gəncə şəhərində qəsdən adam öldürməyə cəhd göstərilib. Gəncə şəhər Baş Polis İdarəsindən Lent.az-a verilən məlumata görə, Gəncənin “Kolxoz” bazarı kimi tanınan mərkəzi bazarında 1990-cı il təvəllüdlü Süleymanov Rəşad Sarif oğlu 1975-ci il təvəllüdlü Hüseynov Eyvaz Daşdəmir oğluna çoxsaylı bıçaq zərbələri endirib.

Bədəninin 8 yerindən daxilə keçən bıçaq yarası diaqnozu ilə xəstəxanaya yerləşdirilən E.Hüseynovun vəziyyəti kritikdir. İlkin məlumata görə, hər iki şəxs bazarda işləyirmiş.

Fakta görə Gəncə şəhər Prokurorluğunda Cinayət Məcəlləsinin 29.120.1-ci (qəsdən adam öldürməyə cəhd) maddəsi ilə iş başlanılıb.