Gənc Alimlərin 3-cü Beynəlxalq Elmi Konfransı keçiriləcək
Macarıstan Respublikasının Szent İstvan
Universitetinin doktorantı Raqif Hüseynovun təşəbbüsü ilə Macarıstanın nüfuzlu
universitetlərindən biri olan Szent İstvan Universitetində Azərbaycan Xalq Cümhuriyyətinin
100 illiyinə həsr olunmuş "Regionların Davamlı İnkişafı"
mövzusunda Gənc Alimlərin 3-cü Beynəlxalq
Elmi Konfransı keçiriləcək. 26 aprel 2018-ci il tarixində baş tutacaq konfransa
Azərbaycan Respublikasının Macarıstandakı Səfirliyi, Szent İstvan Universiteti və
eyni zamanda Varşava Təbiət Elmləri Universiteti də təşkilati dəstək verəcək.
Konfransda
Azərbaycan, Rumıniya, Misir və Şimali Kipr Türk Respublikalarının səfirliklərinin,
Macarıstan Respublikasının rəsmi qurumlarının nümayəndələrinin və 32 ölkədən
olan 100-ə yaxın gənc alimlərin iştirakı gözlənilir. Konfransın sonunda gənc
alimlərə sertifikat və hədiyyələr təqdim olunacaq, eyni zamandakonfransda
iştirak edən gənc alimlərin elmi məqalələri Szent İstvan Universitetinin və
Varşava Təbiət Elmləri Universitetinin elmi jurnallarında çap ediləcək.
Xatırladaq ki, Gənc Alimlərin 1-ci və 2-ci Beynəlxalq
Elmi Konfransları 2015-2016-cı illərdə gənc alim Raqif Hüseynovun təşəbbüsü ilə
Azərbaycan Respublikasının Polşadakı Səfirliyinin, Azərbaycan Dövlət Aqrar
Universitetinin və Varşava Təbiət Elmləri Universitetinin birgə təşkilatçılığı
ilə Varşava Təbiət Elmləri Universitetində təşkil edilib.