Futbolçular fasiləyə getdi, hakim geri çağırıb penalti təyin etdi
Almaniya
Bundesliqasının 30-cu turunda keçirilən "Maynts” - "Frayburq” qarşılaşmasında
maraqlı olay yaşanıb.
Kaspi.az xəbər
verir ki, komandalar fasiləyə yollanıblar. Ancaq videoassistentlər ilk hissənin
son dəqiqəsindəki epizodun təkrarına baxdıqdan sonra baş hakim Qvido Vinkmana həmin
məqamda penalti olduğunu bildiriblər.
Hakim
futbolçuları geri çağırıb və "Frayburq”un qapısına penalti təyin edib. Pablo de
Blasis bu fürsətdən yararlanıb. O, ikinci hissədə daha bir qol vuraraq
komandasının 2:0 hesablı qələbəsini təmin edib.